ពិធីបិទសិក្ខាសាលាផ្សព្វផ្សាយព្រះរាជក្រឹត្យស្តីពីលក្ខន្តិកៈដោយឡែកសម្រាប់បុគ្គលិករដ្ឋបាលថ្នាក់ក្រោមជាតិ
រាជធានីភ្នំពេញ៖ នារសៀលថ្ងៃទី៣១ ខែឧសភា ឆ្នាំ២០១៦ នៅសណ្ឋាគារអាំងទែកង់ទីណង់តាល់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធីបិទសិក្ខាសាលាផ្សព្វផ្សាយព្រះរាជក្រឹត្យស្តីពីលក្ខន្តិកៈដោយឡែកសម្រាប់បុគ្គលិករដ្ឋបាលថ្នាក់ក្រោមជាតិ ដោយមានវត្តមានចូលរួមពីសំណាក់ឯកឧត្ដម លោកជំទាវ សមាជិក សមាជិការ រាជរដ្ឋាភិបាល និងថ្នាក់ដឹកនាំ ប្រធានក្រុមប្រឹក្សារាជធានី ខេត្ត អភិបាលរងរាជធានីខេត្ត ទទួលការងារបុគ្គលិក ប្រធានក្រុមប្រឹក្សាខណ្ឌ អភិបាលខណ្ឌ ប្រធានមន្ទីររាជធានី ខេត្ត និងមន្ត្រីរាជការ មកពីក្រសួង-ស្ថាប័ននានា យ៉ាងច្រើនកុះករ ។ ថ្លែងក្នុងពិធីបិទសិក្ខាសាលានេះ សម្តេចក្រទ្បាហោម បានមានប្រសាសន៍សង្កត់ធ្ងន់ថា កំណែទម្រង់វិមជ្ឍការ និងវិសហមជ្ឍការគឺជាយុទ្ធសាស្រ្តដ៏ចាំបាច់ និងសមស្របបំផុតសម្រាប់ការធ្វើឲ្យប្រសើរឡើងនូវគុណភាព និងប្រសិទ្ធភាពនៃការផ្តល់សេវាសាធារណៈ និងការលើកកម្ពស់ការអភិវឌ្ឍសេដ្ឋកិច្ចនៅមូលដ្ឋាន ដែលជាការចូលរួមចំណែកដ៏សំខាន់ក្នុងការអភិវឌ្ឍជាតិលើគ្រប់វិស័យ ការបែងចែកផលប្រយោជន៍ពីការរីកចម្រើននៃសេដ្ឋកិច្ចជាតិប្រកបដោយសមធម៌ បរិយាប័ន្ន និងការចូលរួមកាត់បន្ថយភាពក្រីក្ររបស់ប្រជាពលរដ្ឋយ៉ាងមានប្រសិទ្ធភាព។
ឯកសារយោង៖