រាជធានីភ្នំពេញ៖ កាលពីព្រឹកថ្ងៃព្រហស្បតិ៍ ១៣រោច ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១៥ ខែកញ្ញា ឆ្នាំ២០២០ មន្រ្តីរាជការនៃក្រសួងមុខងារសាធារណៈចំនួន ០៤ នាក់ បានចូលរួមសិក្ខាសាលាស្ដីពី “អភិបាលកិច្ចរួមគ្នា (Collaborative Governance)” ដែលបានរៀបចំឡើងតាមប្រព័ន្ធអនឡាញមាន រយៈពេល ០១ ថ្ងៃ នៅសាលាភូមិន្ទរដ្ឋបាល។

សិក្ខាសាលានេះ រៀបចំឡើងដោយនាយកដ្ឋានសេវាសាធារណៈ (Public Service Department ) របស់ប្រទេសម៉ាឡេស៊ី ដែលសហការជាមួយវិទ្យាស្ថានជាតិរដ្ឋបាលសាធារណៈ(National Institute of Public Administration: INTAN) របស់ប្រទេសម៉ាឡេស៊ី ក្នុងគោលបំណងនៃការរំលែកចំណេះដឹង រវាងបណ្ដាប្រទេសសមាជិកអាស៊ាន ដើម្បីធ្វើឱ្យប្រសើរឡើងនូវប្រសិទ្ធភាព និងការអនុវត្តនៃរដ្ឋបាល សាធារណៈ ។

ចំពោះសិក្ខាសាលានេះមានការចូលរួមពីប្រទេសសិង្ហបុរី ឥណ្ឌូនេស៊ី វៀតណាម ម៉ាឡេស៊ី និង ប្រទេសមីយ៉ាន់ម៉ា ហើយសិក្ខាកាមនឹងទទួលបានចំណេះដឹង និងបទពិសោធន៍ដូចខាងក្រោម៖

-អភិបាលកិច្ចល្អរួមមាន

១.រដ្ឋបាលសាធារណៈ

២.អភិបាលកិច្ចសាធារណៈតាមបែបថ្មី

៣.ការគ្រប់គ្រងសាធារណៈតាមបែបថ្មី

-ការចូលរួមធ្វើសេចក្តីសម្រេចចិត្តក្នុងវិស័យសាធារណៈរបស់ប្រទេសម៉ាឡេស៊ី

-គោលនយោបាយក្នុងសហគមន៍ថ្នាក់ជាតិរបស់ប្រទេសម៉ាឡេស៊ី។

បទពិសោធន៍ និងចំណេះដឹងដែលទទួលបានពីសិក្ខាសាលាខាងលើ សិក្ខាកាមអាចពង្រឹងសមត្ថភាពក្នុងការគ្រប់គ្រង និងអភិវឌ្ឍន៍ធនធានមនុស្ស និងការចូលរួមសរសេគោលនយោបាយក្នុងអង្គភាព រៀងៗខ្លួន។