សិក្ខាសាលាពិគ្រោះយោបល់ ស្តីពី ការវាយតម្លៃលើតម្រូវការ និងការតម្រង់ទិស សម្រាប់ការបណ្តុះបណ្តាលនៅសាលាភូមិន្ទរដ្ឋបាល
ស្ថិតនៅ៖ ឯកឧត្តមកិត្តិបណ្ឌិត ពេជ្រ ប៊ុនធិន | បង្ហោះដោយ៖ ADMIN-MCS | កាលបរិច្ឆេទ៖ ថ្ងៃទី៦ ខែវិច្ឆិកា ឆ្នាំ២០១៥
រាជធានីភ្នំពេញ៖ ថ្ងៃព្រហស្បត្តិ៍ ទី០៥ ខែវិច្ឆិកា ឆ្នាំ២០១៥ វេលាម៉ោង ០៨ និង០០ នាទីព្រឹក នៅភោជនីយដ្ឋានទន្លេបាសាក់២ ក្រសួងមុខងារសាធារណៈបានបើកអង្គសិក្ខាសាលាពិគ្រោះយោបល់ស្តីពី “ការវាយតម្លៃលើតម្រូវការ និងតម្រង់ទិសសម្រាប់ការបណ្តុះបណ្តាលនៅសាលាភូមិន្ទរដ្ឋបាល” ក្រោមអធិតីភាព ដ៏ខ្ពង់ខ្ពស់របស់ ឯកឧត្តម ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មាធិការកែទម្រង់ រដ្ឋបាលសាធារណៈ ក្រោមការគាំទ្រផ្នែកហិរញ្ញវត្ថុពីអង្គការGIZ (កិច្ចសហប្រតិបត្តិការអាល្លឺម៉ង់)។ អង្គសិក្ខា សាលានេះមានរយៈពេល ១ថ្ងៃ ពេញ ដើម្បីចែករំលែកបទពិសោធន៍ និងបញ្ហាប្រឈម ព្រមទាំងប្រមូលធាតុចូលពីសំណាក់អ្នកពាក់ព័ន្ធ ជាពិសេសមន្ត្រីជំនាញ និងមន្ត្រីទទួលបន្ទុក ការងារបុគ្គលិក ឬធនធានមនុស្សនៃនាយកដ្ឋានគ្រប់គ្រងបុគ្គលិកនិងអភិវឌ្ឍន៍ធនធានមនុស្សនៃក្រសួង ស្ថាប័ន ចំនួន ៣៧។
សមាសភាពចូលរួមមាន៖ តំណាងក្រសួង ស្ថាប័ន ចាប់ពីប្រធាននាយកដ្ឋានឬប្រធានអង្គភាពជំនាញ ដល់ រដ្ឋលេខាធិការឬថ្នាក់ដឹកនាំទទួលបន្ទុក ពាក់ព័ន្ធនឹងការងារបុគ្គលិកនិងធនធានមនុស្ស គណៈអភិបាលនៃគណៈអភិបាល រាជធានី-ខេត្ត ថ្នាក់ដឹកនាំមន្ទីរមុខងារសាធារណៈរាជធានី-ខេត្តទូទាំងប្រទេស តំណាងសាកលវិទ្យាល័យជាតិ និងឯកជន សាស្ត្រាចារ្យសាលាភូមិន្ទរដ្ឋបាល ព្រមទាំងតំណាងអង្គការGIZ សរុបចំនួនប្រមាណ ២០៣នាក់ ក្នុងនោះជាស្រីចំនួន ២១នាក់។
ឯកសារយោង៖
២.សុន្ទរកថាស្វាគមន៍ដោយឯកឧត្តម យក់ ប៊ុនណា
៣.សុន្ទរកថាបើកសិក្ខាសាលាដោយឯកឧត្តម ពេជ្រ ប៊ុនធិន
៤.បទបង្ហាញពីស្តីពី ស្ថានភាពទូទៅនៃសាលាភូមិន្ទរដ្ឋបាល និងគោលការណ៍បណ្តុះបណ្តាល ដោយឯកឧត្តម សួន រ៉ានី
៦.បទបង្ហាញពីស្តីពី ទិដ្ឋភាពទូទៅនៃដំណើរការសិក្សា ដោយលោក ស៊ុង វិនទិ
៨.សុន្ទរកថាបិទសិក្ខាសាលាដោយឯកឧត្តម ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ