ខេត្តព្រះសីហនុ៖ នាព្រឹកថ្ងៃទី១០ ខែកក្កដា ឆ្នាំ២០១៧ នៅសណ្ឋាគារ GOLDEN SEA ក្រសួងមុខងារសាធារណៈ ក្រោមអធិបតីភាព ឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារធារណៈ បានរៀបចំសិក្ខាសាលា ផ្សព្វផ្សាយកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និងនីតិវិធី នៃការអនុវត្តថវិកាកម្មវិធីរបស់អង្គភាពថវិកានៃក្រសួងមុខងារសាធារណៈ ដើម្បីផ្សព្វផ្សាយនូវផែនការសកម្មភាពដំណាក់កាលទី៣ (MAP3) ដែលជាជំហានទី៣ នៃកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ និងការរៀបចំផែនការយុទ្ធសាស្ត្រថវិកា (BSP) ក្នុងក្របខណ្ឌក្រសួងមុខងារសាធាណៈ ដែលកំពុងអនុវត្តថវិកាកម្មវិធី ជូនដល់ថ្នាក់ដឹកនាំ ថ្នាក់គ្រប់គ្រង និងគ្រប់អង្គភាពពាក់ព័ន្ធដើម្បីបានយល់ដឹង ចូលរួម និងសហការអនុវត្តន៍ថវិកាកម្មវិធីរបស់ក្រសួងមុខងារសាធាណៈ ។