រាជធានីភ្នំពេញ៖ កាលពីថ្ងៃទី០៦ ខែកញ្ញា ឆ្នាំ២០១៧ នៅទីស្ដីការក្រសួងមុខងារសាធារណៈ ឯកឧត្ដម ជុក មុន្នី អនុរដ្ឋលេខាធិការក្រសួងមុខងារសាធារណៈ និងជាប្រធានក្រុមការងារយេនឌ័រនៃក្រសួង និងសហការី បានទទួលជួបលោកស្រី Carol Strickler ទីប្រឹក្សា និងលោកស្រី ឃុន សុភា មន្រ្ដីគម្រោងមកពីអង្គការ UN Women ក្នុងគោលបំណងដើម្បីពិភាក្សាលើសេចក្ដីព្រាងគោលនយោបាយ និងយុទ្ធសាស្រ្ដជាតិលើកកម្ពស់ស្រ្ដី ភាពជាអ្នកដឹកនាំក្នុងវិស័យមុខងារសាធារណៈ។